Covenant Protestant Reformed Church
Bookmark and Share

Kristo, Nengo Wa Mar Gony

Rev. Stewart

 

Ung’eyo gima nengo mar gony en. Nengo mar gony en nengo michulo mondo owe joma otwe. Usewinjo ndalo mang’eny jomak ji kata jo mahundu mamako ji kendo tweyo gi. Gidwaroga nengo mar gony: “Ka imiyowa pesa marom kama, to wabiro weyo jo muhero.”

Timotheo mokwongo 2:6 wacho ni Ruoth Yesu “nochiwore kaka nengo mar gony.” Musalap Kristo ok en mana ranyisi kata kido; en nengo mar gony mar adier. Nitie joma otue adier, ei tuech mar adier kata e bedo misumba: e bwo richo (Jorumi 3:9), e bwo ng’ado bura mar chik (19), e bwo kuong mar chik (Jo-Galatia 3:10), e tuech mar tho, e bwo luoro mar tho (Jo-Hibrania 2:15), e tuech mar Jachien (Jo-Efeso 2:2), e tuech mar piny kendo luoro mar piny joma otho.

Nitie nengo hie mar joma otue hie mantie e tuech mar adier. Ma en nengo ma onge romne: Wuod Nyasaye ma nobet e kido, mane winjo wach kendo pok notimo richo. Noting’o sand mane onego wayudi nikech richowa kane ochiwore kaka gir nengo, kobolore e tie Wuon gi kod hera mogundho ne wan, kaka chulo nengo mar richowa ma onge achune.

Nengo adier no ichulo ne joma otwe adier e tuech mar adier, e bwo jatuech mar adier. Nengo ichulo ne Nyasaye ok Jachien, ok kaka chon ma en mar Jachien kuom weyo richo mar Kristo. Nengo ichulo ne ng’at achiel kaka chiwo mar Kristo kendo kaka itimo misango. “Kuom Roho mosiko,” Kristo “nochiwore maonge mbala ne Nyasaye” (Jo-Hibrania 9:14). “Kristo kendo oseherowa, mochiwore ne wan kaka chiwo kendo misango ne Nyasaye, Ka ong’ue ng’ar” (Jo-Efeso 5:2). Nengo ichulo Jal-Maduong Moloyo, jachiw chik, routh kendo jang’ad bura, jal man kare ma wakethone, mondo ochop maber chikne maler kod kido mare.

Fweny todruok e kind jathek gi nengo. Roudhwa Yesu Kristo en jathek kendo nengo mar gony, nikech en mane ochiwore kaka nengo, kaka ja-ote wacho, “Nitiere Nyasaye achiel, jathek achiel e kind Nyasaye kod dhano, Dhano ma en Yesu Kristo; mane ochiwore kaka nengo” (Timotheo mokwongo 2:5-6). Adiera mar jathek terowa e nengone mar gony. Nikech ang’o? Nikech jathek e kind dhano gi Nyasaye nyalo mana ketho sigu e kindwa mondo oket tudruok e kindwa kuom nengone mochulonwa kaluowore ler mar Jehova maketo kare. Kopogore gi ndiko, nitie yo mobaro mar Katholik mar Jo-Roma. Roma puonjo ni ji onego lem kokadho owete, matimo owete go bedo jothek, mopogore gi adiera ni Kristo en e Jathek.

Kendo ji samoro nyalo golo kuom mwandu mar timbe mabeyo mar owete, matimogi kelo dir nengo. Mano bende, Roma puonjo ni Maria (ok miyo achiel kende e Muma, to mana nyasaye miparo apara) nikech ji onego olam kokadho kuome. Ahinya moloyo, Iparo niMaria, kendo wachore, ni en jores machulo nengo ne joricho.

“Jarthekwa achiel e kind dhano kod Nyasaye, Yesu Kristo … nochiwore kaka nengo ne ji duto” (5-6). Ing’eyo gima jolup Armin wacho kuom “ji duto.” Ka giluwo puonjgi ma obaro e wi wach ni dhano ok nyal resre owuon (Jorumi 3:11) (nikech gipuonjo ni dhano nigi teko mar yiero kendo ni dhano nyalo yiero Kristo and warruok mar Kristo bende), kendo tamruok gi mar yiero mosiko mar Nyasaye kendo kum (Jorumi 9:11-24), gn’uono mar Roho ma ok nyal geng’ (Jo-Efeso 1:19) kendo gi sinani e sandruok mar joma oyie adier (Johana 1:27-30), giwacho ni Kristo nochulo nengo mar gony ne ji duto te wich ka wich. Giwacho ni mano tiende ni jiduto pep, wich gi wich. Gihulo “ji duoto” gi mor, ka gima mano noguro puonjgi mobam. Ka ipenjogi gimomiyo “duto” nyiso ni ng’atoka ng’ato ma osebetie kata mabiro betie, mane ngima kata mabiro bedo mangima. Ok gidwok gimomiyo to pod wng’ gi tek ateka. Ka isiemo ndiko e Muma-thothgi te!-kama wach “duto” ok nyis ng’at ang’ata, wich kar wich, kendo ipenjogi gima omiyo wachno nyiso tiend kaka gidware. Kendo onge gima nyiso.

Kipenjogi ni be Yesu ne otho ne joma timo richo ma ok nyal wenegi, ma ochikwa ni kik kata walamnegi (Mathayo 12:32; 1 Johana 5:16). Penjgi gima omiyo Yesu nochuero rembe ne jok ma ni e piny joma otho kata jok ma ok nyal resi (Luka 16:26). Ang’o momiyo Ruoth ne nyalo chulo nengo ne Jakwed-Kristo, wuod sand, ma kethruokne mosiko oseketi kendo okor (II Jo-Thesalonike 2:3, 8; Fweny 19:20; 20:10)? Jolu Armin “ketho ... ma ok ong’eyo ndiko, kata teko mar Nyasaye” (Mathayo 22:29). Mokwongo, ok ging’eyo teko mar Nyasaye ei nengo mar Kristo. Ruoth Yesu nochulo nengo, to kaluwore gi jolup-Armin, mano ne ok oreso thoth jok mane ochulnegi. Joehova nokawo nengo to ne ok oweyo thoth jok mane ochudnegi! Par ni ma ne en nengo mar adier mane ochiw kendo oyiego higni alufu ariyo (2,000) mokadho. Koro jolup-Armin ochayo teko (gi rieko) mar Nyasaye Wuowi, ma nochulo nengo, gi teko (kod adiera mar Nyasaye Wuoro, mane ok oweyo jogo mane nengogi ochul.

Moloyo, en jathek mane, ma jolup-Armin paro kuom Yesu? Ng’ikni maduong! En mana jathek manyap nikech ok oduogo thoth dhano mane ochudonegi kuom Nyasaye, nikech thothgi pod nigi sigu e kingi gi Nyasaye, e piny masani gi mabiro.

Ariyo, miriambo mar jolup-Armin ni ji duto noresi bende nyiso ni ok ging’eyo ndiko, nikeck thoth ndiko siro ni Kristo e nengo kende (kaka Isaya 53:10-12; Johana 10:11, 15; 15:13-14; Jo-Efeso 5:25). Moloyo kendo, I Timotheo 2:6 nyaka winji e yo kaka obet. “Ji duto,” e matindo 1, owachi ni ji duto, ahinya “ruodhi’ gi “ji duto man e bwo loch” (2). Koro nyaka walamnegi, kata ka giricho kendo gisandowal (1-2). Nyasaye dwaro reso ji duto (4) kata jotelo mag piny, kendo onge Jawar kata warruok ne jotend piny gi jong’ad bura nikech nitie “jathek achiel” (5) mane “ochiwore kaka nengo ne ji duto” mopogore opogore (6). Erokamano ne Nyasaye mani e kido adek, kendo ne Kristo, jathek-wa kendo nengowa, geno achiel kende! Ruoth obed kodu!